ঝোপ্ বুঝি খোপ্ মাইরতো চাআর – ছালাম অ’দা -ওয়ালাইকুম…। -তই কেএন্ আচছ ক’ চাই নাতি। -ঁআই অ’দা ক’দিন লত্ গঅর জ্বরে কাইত্ অই আছিলাম, খানা-পিনে কন’অ কিছু মুখত্ লইত্ না পারি, তই, ইয়া এক্কানা ভালা লা আর। -ওমা। জাআন্নামর আওনর ছ্যাক্ লাইগ্গেদে এনা তইলে..। -ঁতুই কি কইতে লাইগগো আই ন’বুঝির অ’দা। -ক পৈনর পিঢে খাইয়ুছ অ’নাতি, বিয়াক হথা বুঝিবের মত বইষ্ অইয়েনে তুর, যেইল্লে কইর, হেইল্লে হুন্, বেশী বুঝিবের চেস্টা ন’গরিছ। -আইচ্ছে তক্দে দ্যাশর খবরা-খবর কি এক্কানা হুইন্তম্ চাই। -ঁআই তুরলাই বুলি খবর অর গাঁট্টি লই বইস্সিনা, খবরা-খবর টেলিভিষনত্ খবরি খঅয অত্ এনা পাবি। -তুঁয়ারতুন্ হুইন্তে বেশী গম লাআ অ’দা। -আঁর পেটখান্ ওয়েইশ্ষে রাখি তুরে আর কতঅ খবর হুনেইয়ুম। আইচ্ছে যগ্দে হুন্তি যঅন্ চঅর তইলে হু দেশকান্ অইলদে ‘মা’। মা’আর গলাত্ এক্কান্ দামী সুন্দর মিক্কে সোনার চেইন আছে। এই মাআর আবার পাঁউচচে পোয়া আছে। এক পোয়া মা আরে খাবাই-পরাই, অসুখ-জরে দাবাই-টাবাই বিয়াক চলাই। আর চার্উগে পোয়া এক জোট অইয়েনে বুদ্ধি গইরলোদে তারার ভাই বর্ঔগে অরতাত্ যিবা মাআরে চাআ-চিআ গরে হিবেরে সার কাছত্তুন সবাইয়েনে তারা মাআর দায়িত্ত লইবো। এইবার তারা এই অক্কলর মইদধে ফারাফারি শুরু অই গেইলগুই…..। মা আরো ঘিরে ধরি তারার মইদ্ধে ফারাফারি লাঢালাঢি অইতো যাইয়েনে মাআর অবস্থা খারাপ। মা অইল্দে ওছিলে আছল্ হথা সোনার চেইন। ইয়েন বুঝিলে বাকীগিন্ বুঝন সোজা। -অ’দা তুই কি কইতে লাইগ্গো, আঁইতো কিছু ন’বুঝির। -তুর মাথাত্ গিলু কম এএনে তুই ন’বুঝরদে। -আইচ্ছে, এতক্খনে এক্কানা-এক্কাআ বুুইরজি। -তইলে বুঝি-হুনি চুলে হাগর কিয়া ? এ দুনিয়েত্ অবুঝ মানুষ বেশী, বুঝর মানুষ কম; মগর লাভর বুক্ বেশী অইলেও অছল্ বুঝ্ নাই। এই অছল বুঝ-গিয়ান মাইন্ষর ভিতরে কঁত্তে তইয়ের অইবো ন’ বুঝির। -অ’দাদা তই, আরেক্কান হথা আঁর মনত্ পইজ্জে…..। -হ-চাই কি হথা ? -সামনর মিক্কে ভোড অইবো বুলি হুনির, ভোড তো ওগ্গে দওন পরিবো; তই কারে দিইয়ুম ভাবি কূল ন’পাইর। -তুর ভোড তুই দিবি, কারে দিবি তুর বেপার, মগর দেশর মিক্কে পাবলিগর মিক্কে কার টান হিতেরে ভোড দেওন দরহার। দেশের মানুষর উন্নতি যারা গরিত্ পারিবো, তারারে আঁরাত্তে দরহার। ওগ্গে ভোডর বওউত মূল্ল আছে, যেন্তেন গরি নস্ট গরন ন’যাইবো। -অ’দা আরেক্কান হথা হুইলামদে কি বলে এইবারকা মিছিনর মইদ্ধ্যে ভোড অইবো, মাইন্ষে কিতারা এক্কান নাম কঅ, আঁর মুখদি নো আইয়ের। -বুইরজা অওডা ‘ইভিয়েম ( E. v. m)কয়দে হিয়েন বিয়াক জাগার লাই ন, কিছু জাগার লাই। আঁবার চাটগা নয় আসন্র ভোঢ কেন্দরঅ অওলত মিছিন হিবে চালাইবো, ভোড আইলে বিয়াক চালাক-চতুর অইতো চাআ। ঝোপ বুঝি খোপ্ মাইরতো চাআর কিয়াও-কিয়াও। আর কিয়াওদে হঁওশর দাম লাখ টিয়া গনি ফতুর অই যায়গুই। তই অ’নাতি শেষকান্ হুন্ …………… “ঝোপ্ বুঝি খোপ্ মাইরতো চাআর বিয়াক চালাক-চতুর, কিয়াও আছে ভোডত্ থিয়েই অইবো মগর ফতুর ” গ্রন্থনা : খ.মা. আ
সর্বশেষ সংবাদ
- ভাষা আন্দোলনের নেতা অলি আহাদ ও প্রখ্যাত সাংবাদিক গিয়াস কামাল চৌধুরী দেশ ও জাতির কল্যাণে আজীবন ত্যাগ স্বীকার করে গেছেন
- পৌরসভার লাইসেন্স পরিদর্শক এক চেয়ারে ১৫ বছর
- সোনারগাঁয়ে পুলিশের বিশেষ অভিযানে বিভিন্ন মামলা নারী ও শিশু বলাৎকার সহ আটক ২২, ইয়াবা উদ্ধার
- ছয় পুলিশ কর্মকর্তা বদলি
- অশান্ত পাহাড়, পাহাড়ি – বাঙ্গালি সহাবস্থান কোন পথে?
- ওসি ইখতিয়ার উদ্দিনের নেতৃত্বে অভিযান, পাঁচলাইশ মমিনবাগ থেকে উদ্ধার মোটরসাইকেল, জব্দ প্রাইভেটকার ও গ্রেপ্তার ২
- গো আপ ফাউন্ডেশন ও ফুটস্টেপসের নেতৃত্বে বসিলা ৪০ ফিট খাল পুনরুদ্ধার; ১২ ঘণ্টার মধ্যে মেরামত হলো সড়কবাতি
- ঠাণ্ডা মিয়ার গরম কথা (৩৬৭) সংসদ সদস্য হাসনাত আবদুল্লাহ সমীপে
- শিক্ষকরা সরকারের বেতনভুক্ত, তাই তাদের অন্য পেশা বা সাংবাদিকতা করার সুযোগ নেই-প্রেস কাউন্সিল চেয়ারম্যান
- মাদকবিরোধী সামাজিক আন্দোলন করে প্রাণনাশের ঝুঁকিতে ব্যবসায়ী আনোয়ার হোসেন