গল্প হথাত মজা বেশী -মিডে-মিডে লাগে’

  প্রিন্ট
(Last Updated On: ডিসেম্বর ৫, ২০১৮)

চাটগাঁইয়া দাদার নিষিদ্ধ বয়ান (২)

‘ গল্প হথাত মজা বেশী

-মিডে-মিডে লাগে’

– ছালাম অ’দাদা

-ওয়ালাইকুম… অ’নাতি, তই তুই কেএন্ আচছ্ ক’ চাই।

-ভালা-মন্দে মিলিয়েনে কনঅরৈম্মে আছি, তই ঁতুই কেএন্ আছ দাদা?

-ঁআই বুরে মাইনষর আর কি রৈম্মে থাহন, কন’অ ডেল্লে থাহন এরি….। আজিয়ে এই ব্যারাম কালিয়ে অই ব্যারাম, দাবাই এ টিয়ায় কূল ন’ধরের। পইল্যদিন রাতিয়ে বাজে ডেল্লে দাবাই মুঠ ভরি, খওন পরে। গেসটিক, বাত বিয়াদি, ডায়বেটিস্, হারটর ব্যারাম, পেরেসার বিয়াক ডৈল্লে চেঁছাইতে-চেঁছাইতে কনঅ রৈম্মে বাঁচি আছি।

-অ’দাদা ডিসম্বর মাসর শেষর মিক্কে ভোড অইবো বুলি হুনির, তই কেএন্ বুইবাদে লাইগ্গ।

-ভোড লইয়েনে অ’নাতি গোটা দেশত্ ভুড্ ভুডানিতো শুরু অই গেইয়েদে আর’অ আগরতুন্।

ছই ছালামতে ভোডকান হওন দরহার, কন’অডৈল্লে গেনজাম্ ন’চাই।

-অ’দাদা কন’অ-কন’অ মানুষ আছেদে হিতারা গেন্জাম গইরতো চা, হিয়েন কি ভালা অইবোনা?

-অ’নাতি গেন্জাইম্মা মানুষ গেনজাম্ গরেদে, ভালা মানুষ কন’অ গেনজাম্ না’গরে।

-অ’দা সরগারত্ কারা যাইবো বুলি মনে অর ?

-অওডা এন্ডৈল্লে আন্দাইজ্জা হথা ঁআই কেনএ কৈয়ুম। পাবলিগে যারারে ভোড দিবো তারা সরগারত্ যাই বো।

-অ’দা বওত্জনে  ইলেকশনে রে, ফিলিকশন কয়দে কি য়েল্লাই ?

-অওডা হিয়েনতো পুরেন হথা, আবার নয়া গরি কা তুলর ? ইলেকশন্ মানিইতো ফিলিকশন’। হিয়েন ন’বুঝর না। ইতে হিতের দোষ দে, হিতে ইতের দোষ দে, একজন আরেক জনেরে দোষাদুষি, মারামারি, নানা ডৈল্লে আঙ্গামা এএন্কি খুনাখুনি লত্ দেক্কি বিয়াক ভোডর সমত।

-অ’দা আঁরা হাছ মানুষ কন্ সমত্ অইয়্যুম ?

-হ! এই এনা এক্কান হথা কইয়ছ। মানুষর মতন মানুষ হওন্নান আগে বেশী দরহার। আছল মানুষ অইত্ ন’পারিলে, কন্অ কিছু কাজত্ নো আইবো।

-আছল মানুষ কেন্এ অইবো ?

-ইিয়েন অওডা লাম্বা হথা, আ রেকদিন কইয়্যুম।

-কিয়া অ’দা আজিয়ে কঅন্ ন’ যায়বো।

-বিয়াক্ হথা আজিয়ে কইলে কালিয়ে কি কইয়্যুম। ভোড লইয়েরে অ’নাতি নেতা হঅউলে যে রৈম্মে ফারাফারি গরের বিয়াক পেরারতি কদ্দে “ঁআই খামকা জিত্তু। ” ইয়েন্ কে এন্ হথা।

-অ’দা আরএক পের্রাতি কইলোদে, মানুষ ঁআরে ভোড দিলে তই ঁআই জিত্তুম, ন’দিলে ন’জিত্তু।

-ইয়েন এনা আছল্ হথা, জোরাজুরি, গরি কিয়াও কি জিতিত্ পারে না। যিতারা জোরাজুরি গরি জিত্ত চাআ হিতারা মর্গ মাইনষর ভালা ন’চাআ, চা’আদে ‘ক্ষমতা’। এগুনুওতুন্ সাবধান থাওন দরহার।

-ঠিক হথাযান কৈয়্যুন।

-তই হুন্ আঁরা এহন্ বুরে অই গেইগুই, বাঁইচ্চুম’অ আর ক’দিন। মগর এক্কান হথা অইল্দে -ঁআরা গল্প হথাত্ মজি বেশী, হাঁচা হথার দাম ন’দিই এতাল্লাই বুলি আঁরার হোয়ালত হামিষ্কুন ঝাঁডার বারি। শেষ হথায়ান অইলদে –

“গল্প হথাত্ মজা বেশী’

মিডে-মিডে লাগে, আর কিয়াদে বুঝি-হুনি

চুনে-চুনে হাগে।

০ Comments

Leave a Comment

Login

Welcome! Login in to your account

Remember me Lost your password?

Lost Password